E-School Cambodia Mobile Application
សួស្ដីបងប្អូនទាំងអស់គ្នា! សូមអរគុណសម្រាប់ការចំណាយពេលចូលមកទំព័រនេះដើម្បីស្វែងយល់បន្ថែមអំពីលក្ខខណ្ឌនៃការប្រើប្រាស់។ ពួកយើងបានបង្កើតកម្មវិធីសម្រាប់ការប្រើប្រាស់លើទូរស័ព្ទដៃផ្ទាល់ខ្លួនដែលផ្ដល់ឲ្យបងប្អូននូវសេវាកម្មដែលជាការជំនួយ ឬបង្វឹកលើខ្លួនឯងដោយផ្ទាល់មកចូលរួមតាមរយៈការទស្សនាវីដេអូនៃវគ្គសិក្សាបំប៉នបន្ថែម ដើម្បីឆ្ពោះទៅភាពជោគជ័យផ្ទាល់ខ្លួន។ បងប្អូនអាចធ្វើការសិក្សាជាប្រចាំនឹងអាចធ្វើការបញ្ជាទិញ មេរៀនបន្ថែមពីមួយទៅមួយ។ "E-School Cambodia" គឺជាឈ្មោះនៃកម្មវិធីទូរស័ព្ទដៃ ដែលបងប្អូនអាចទទួលបាននូវមាតិកានៃមេរៀនសម្រាប់ការសិក្សាបន្ថែម ទៅលើចំណេះដឹងទូទៅ និងថ្នាក់ភាសាបរទេស ដើម្បីឲ្យការសិក្សារបស់បងប្អូនកាន់តែមានប្រសិទ្ធភាពជាងមុន។ ជាថ្មីម្ដងទៀតយើងសូមអរគុណចំពោះការអាននិងស្វែងយល់អំពីយើង។
លក្ខខណ្ឌនៃការប្រើប្រាស់នេះរៀបរាប់អំពីការណែនាំក្នុងការប្រើប្រាស់នូវកម្មវិធីទូរស័ព្ទនេះ។ តាមរយៈការចូលប្រើប្រាស់នូវកម្មវិធីទូរស័ព្ទដៃនេះ គឺបងប្អូនយល់ស្របទៅតាមលក្ខខណ្ឌនៃការប្រើប្រាស់របស់យើង។ ប្រសិនបើបងប្អូនមិនទាន់យល់ស្របជាមួយលក្ខខណ្ឌនៃការប្រើប្រាស់របស់យើងទេសូមបងប្អូនកុំបន្តទៅមុខទៀត។ កម្មវិធីលើទូរស័ព្ទដៃ E-School Cambodia ដែលមានសេវាកម្មផ្សេងៗនូវខាងក្នុងត្រូវបានផ្ដល់ជូនដោយក្រុមហ៊ុន E-SCHOOL (CAMBODIA) CO.,LTD។
អ្វីៗក៏ដោយតែងតែមានការប្រែប្រួលហើយយើងក៏ដូច្នោះដែរ។ ការពិតទៅវាមានន័យថាយើងអាចនឹងធ្វើការកែប្រែនូវលក្ខខណ្ឌនៃការប្រើប្រាស់ដែលរួមទាំងគោលការណ៍នៃសិទ្ធិឯកជននិងកិច្ចព្រមព្រៀងដទៃទៀតទៅតាមភាពជាក់ស្ដែងរបស់យើង។ ប៉ុន្តែនៅពេលដែលយើងពិតជាចាំបាច់ត្រូវធ្វើការកែប្រែនូវលក្ខខណ្ឌនៃការប្រើប្រាស់មែននោះ យើងដាច់ខាតនឹងជម្រាបជូនបងប្អូនឲ្យបានជ្រាបតាមរយៈកម្មវិធីទូរស័ព្ទដៃនេះផ្ទាល់ខ្លួន ឬតាមសារអេឡិចត្រូនិកជាដើម(ប្រសិនបើមាន)។ រីឯការកែប្រែថ្មីទាំងនោះនឹងចាប់មានសុពលភាពភ្លាមៗតែម្ដង។ ដូច្នេះហើយ បន្ទាប់ពីមានការកែប្រែកើតឡើងហើយបងប្អូននៅតែបន្តស្រលាញ់យើង ក្នុងការប្រើប្រាស់កម្មវិធីទូរស័ព្ទដៃនេះដដែល មានន័យថាបងប្អូនទទួលស្គាល់ និងបន្តយល់ស្របជាមួយការផ្លាស់ប្ដូរនោះ ហើយយើងក៏សូមអរគុណជាថ្មីម្ដងទៀតទុកជាមុន។
តាមរយៈការប្រើប្រាស់កម្មវិធី E-School Cambodia លើទូរស័ព្ទ បងប្អូនបានយល់ស្រប ក្នុងការទទួលបាននូវការធ្វើទំនាក់ទំនង ទៅកាន់តាមរយៈការផ្ញើសារអេឡិចត្រូនិក សារជូនដំណឹង ឬទូរស័ព្ទដែលពាក់ព័ន្ធទៅនឹងព័ត៌មានអំពីគណនីរបស់បងប្អូននៅក្នុងកម្មវិធីទូរស័ព្ទដៃនេះ។ យើងអាចនឹងធ្វើការទាក់ទងទៅបងប្អូន ដើម្បីណែនាំអំពីរបៀបប្រើប្រាស់ ការពន្យល់អំពីអត្ថប្រយោជន៍ដទៃទៀតដែលមាននៅក្នុងកម្មវិធី ឬដើម្បីបង្ហាញបងប្អូនពីរបៀបនៃការទូទាត់នៃការចូលរួមជាសមាជិកភាព។ល។
ព័ត៌មានដែលបងប្អូនផ្ដល់មកឲ្យយើង ដែលជាព័ត៌មានអំពីអត្តសញ្ញាណរបស់បងប្អូន អនុលោមទៅតាមគោលការណ៍នៃសិទ្ធិឯកជន ដែលជាលក្ខខណ្ឌបន្ថែម ហើយមានចែងលម្អិតក្នុងទំព័រ "គោលការណ៍នៃសិទ្ធិឯកជន"។
បងប្អូនត្រូវភ្ជាប់គណនីនៅក្នុងកម្មវិធី ដោយត្រូវមានអ៊ិនធឺណែត និងត្រូវធ្វើការទូទាត់តាមរយៈមធ្យោបាយណាមួយ ដែលយើងមានឲ្យជ្រើសរើស ដើម្បីក្លាយទៅជាសមាជិករបស់កម្មវិធីទូរស័ព្ទ E-School Cambodia។ យើងនឹងធ្វើការគិតប្រាក់សមាជិកភាព នៅដើមគ្រានៃការចូលជាសមាជិក ហើយផ្ដល់ជូនសមាជិកភាពសម្រាប់រយៈពេល១ឆ្នាំ ឬ៣៦៥ថ្ងៃ គិតចាប់ពីថ្ងៃដែលមធ្យោបាយទូទាត់ត្រូវបានជ្រើសរើស និងដំណើរការដោយជោគជ័យ។ ក្រោយពីសមាជិកភាពអស់សុពលភាព បងប្អូនត្រូវធ្វើការជ្រើសរើសចូលជាសមាជិកសារជាថ្មីម្ដងទៀតដោយខ្លួនឯង។ យើងនឹងមិនធ្វើការគិតប្រាក់ពីបងប្អូនដោយបងប្អូនមិនបានជ្រាបជាមុននោះឡើយ។
ជាទូទៅបងប្អូនដែលទាញយកកម្មវិធីទូរស័ព្ទដៃ E-School Cambodia ពីកម្មវិធីលើប្រព័ន្ធប្រតិបត្តិការណាមួយ (iOS App Store ឬ Android Play Store) អាចចុះឈ្មោះចូលប្រើប្រាស់កម្មវិធីយើងដោយមិនមានតម្រូវឲ្យបង់ប្រាក់អ្វីនោះទេ។ បងប្អូនអាចចូលជាសមាជិកភ្លាមៗបន្ទាប់ពីទាញយកកម្មវិធីយើងបានហើយ ហើយគ្រាន់តែបងប្អូនទាញយកកម្មវិធីយើងដោយឥតគិតថ្លៃ បងប្អូនទទួលបានមេរៀនល្អៗមួយចំនួនរួចជាស្រេចបាត់ទៅហើយ ហើយយើងពិតជាផ្ដល់ជូនដោយឥតគិតថ្លៃពិតមែន (Free)។
នៅពេលដែលបងប្អូនសម្រេចចិត្តចូលជាសមាជិក និងបានបញ្ចូលព័ត៌មានអំពីមធ្យោបាយទូទាត់ បងប្អូនអនុញ្ញាតឱ្យយើងធ្វើការគិតប្រាក់ពីបងប្អូន ទៅតាមចំនួនដែលបានបង្ហាញ និងព្រមព្រៀងដោយបងប្អូន សម្រាប់តែមួយគ្រានោះតែប៉ុណ្ណោះ។ គម្រោងនៃសមាជិកភាពរបស់យើង គឺសម្រាប់១២ខែ ដែលយើងនឹងធ្វើការគិតប្រាក់តែ១ដងសម្រាប់១២ខែ ហើយយើងមិនធ្វើការគិតប្រាក់ជាថ្មីម្ដងទៀតនៅចុងគ្រាដោយស្វ័យប្រវត្តិ នោះឡើយ។
យើងរក្សាសិទ្ធិក្នុងការកែប្រែតម្លៃនៃសេវាកម្មរបស់យើង ទៅតាមភាពចាំបាច់ជាក់ស្ដែងរបស់យើង。 រាល់ការកែប្រែនៃតម្លៃនឹងចាប់មានប្រសិទ្ធភាពភ្លាម បន្ទាប់ពីការប្រកាសព័ត៌មានត្រូវបានផ្សាយចេញ។ ទោះជាយ៉ាងណាក៏ដោយយើងនឹងជម្រាបបងប្អូនឲ្យជ្រាបជាមុន។
រាល់ការទូទាត់នានាដែលបានសម្រេចទៅហើយ នោះមិនអាចប្ដូរជាប្រាក់ ឬជាឥណទានក្នុងរូបភាពណាផ្សេងនោះឡើយ។ យើង(ក្រុមការងារ)ក៏មិនមានតួនាទីឬបន្ទុក ក្នុងការដាក់ពាក្យស្នើសុំឱ្យមានការលើកលែង ឬការប្ដូរជាប្រាក់ឬឥណទានជូនបងប្អូននោះឡើយ។
នៅពេលដែលបងប្អូនចូលជាសមាជិក នៃកម្មវិធីទូរស័ព្ទដៃ E-School Cambodia រួចហើយ បងប្អូនមិនអាចបោះបង់ឬលុបចោលគម្រោងនោះ ដើម្បីស្នើសុំប្ដូរជាប្រាក់វិញនោះទេ។ យើងប្ដេជ្ញាក្នុងការបម្រើ សេវាកម្មជូនបងប្អូនឲ្យបានល្អបំផុត។ ប្រសិនបើបងប្អូនមានការមិនពេញចិត្តដោយប្រការណាមួយ យើងទទូចសុំឱ្យបងប្អូនផ្ដល់ដំណឹងមកយើង ដើម្បីឲ្យយើងអាចដោះស្រាយជូនបងប្អូន។
កម្មវិធីទូរស័ព្ទដៃ E-School Cambodia មិនកម្រិតនូវអាយុនៃអ្នកប្រើប្រាស់នោះទេ។ បងប្អូនប្រជាជនកម្ពុជាដែលអាចស្ដាប់យល់នូវភាសាខ្មែរ ហើយបំណងចង់បន្តចំណេះដឹងខ្លួនឯងបន្ថែម អាចប្រើប្រាស់កម្មវិធីយើងបានទាំងអស់។ អ្វីដែលសំខាន់គឺបងប្អូនត្រូវមានទូរស័ព្ទដៃ ដែលមានសមត្ថភាពគ្រប់គ្រាន់ក្នុងការដំឡើងនូវកម្មវិធីនេះ ហើយត្រូវមានការតភ្ជាប់ទៅកាន់ប្រព័ន្ធអ៊ីនធឺណិតផងដែរ។ ការប្រើប្រាស់ទិន្នន័យអ៊ីនធឺណិតគឺជាចំណាយផ្ទាល់ខ្លួនរបស់អ្នកប្រើប្រាស់។
មេរៀននិងទិន្នន័យផ្សេងៗដែលមាននៅក្នុងកម្មវិធីទូរស័ព្ទដៃ E-School Cambodia នេះគឺអនុញ្ញាតឱ្យប្រើប្រាស់សម្រាប់តែការរៀន និងអភិវឌ្ឍន៍ខ្លួនបន្ថែមតែប៉ុណ្ណោះ។ ហាមធ្វើការទាញយក ការថតជាវីដេអូ ឬជាសំឡេង និងហាមនូវរាល់ការថតចម្លងតាមគ្រប់បច្ចេកទេសនានា ក្នុងគោលបំណងចែកចាយបន្ត ឬយកទៅធ្វើអាជីវកម្មផ្ទាល់ខ្លួន ជាដាច់ខាត។ រាល់ទិន្នន័យទាំងអស់ដែលមាននៅក្នុងកម្មវិធីទូរស័ព្ទដៃនេះ គឺជាទ្រព្យកម្មសិទ្ធិបញ្ញារបស់ក្រុមហ៊ុន E-SCHOOL (CAMBODIA) CO.,LTD ដែលត្រូវបានការពារដោយច្បាប់នៃកម្មសិទ្ធិបញ្ញានៃព្រះរាជាណាចក្រកម្ពុជា។
បងប្អូនត្រូវចាំថាសេវារបស់យើងពេលខ្លះត្រូវការផ្ញើលេខកូដបញ្ជាក់ពីលេខទូរស័ព្ទ ដោយការផ្ញើសារទៅកាន់លេខទូរស័ព្ទនោះ។ គណនីមួយត្រូវបានភ្ជាប់ដោយលេខទូរស័ព្ទមួយ ហើយអាចប្រើដើម្បីភ្ជាប់ចូលប្រើប្រាស់ សម្រាប់តែទូរស័ព្ទមួយក្នុងពេលតែមួយតែប៉ុណ្ណោះ។ សមាជិកភាពក៏ត្រូវបានផ្ដល់ជូនដោយយោងទៅតាម លេខទូរស័ព្ទដែលបានចុះឈ្មោះប្រើ ដោយបងប្អូនមិនអាចផ្ទេរសមាជិកភាពទៅកាន់លេខទូរស័ព្ទ (ឬគណនី)ផ្សេងទៀតនោះទេ។
ដើម្បីបន្តប្រើប្រាស់កម្មវិធី E-School Cambodia បងប្អូនត្រូវតែកំពុងប្រើប្រាស់នូវជំនាន់ចុងក្រោយនៃកម្មវិធី។ តែអ្វីដែលល្អនោះគឺ កម្មវិធីយើងមានទំហំតូចហើយការទាញយកក៏មិនចំណាយពេលវេលាយូរដែរ។
គណនីអ្នកប្រើប្រាស់កម្មវិធី ត្រូវបានតម្រូវឲ្យបង្កើតឡើងមុន តាមរយៈការចុះឈ្មោះដោយការវាយបញ្ចូលលេខទូរស័ព្ទ រួមជាមួយឈ្មោះប្រើប្រាស់ដែលបងប្អូនពេញចិត្ត។ ព័ត៌មានផ្ទាល់ខ្លួនដែលយើងយកពីបងប្អូន គឺលេខទូរស័ព្ទដែលបងប្អូនប្រើសម្រាប់ចុះឈ្មោះតែប៉ុណ្ណោះ។ គណនីមួយត្រូវបានភ្ជាប់ជាមួយលេខទូរស័ព្ទតែមួយប៉ុណ្ណោះ ហើយអាចប្រើប្រាស់លើឧបករណ៍(ទូរស័ព្ទដៃ)តែមួយប៉ុណ្ណោះ ក្នុងពេលតែមួយ។
ការប្រើប្រាស់កម្មវិធី E-School Cambodia គឺក្នុងគោលបំណងប្រើប្រាស់ដើម្បីការអភិវឌ្ឍខ្លួន លើផ្នត់គំនិតនិងចំណេះដឹងបន្ថែម សម្រាប់បុគ្គលផ្ទាល់ខ្លួន ដូច្នេះបងប្អូនមិនគួរផ្ដល់គណនីរបស់បងប្អូន ទៅកាន់អ្នកដទៃនោះទេ ទោះបីជាមិត្តជិតស្និទ្ធក៏ដោយ។
ទៅតាមកម្រិតអតិបរមាអនុញ្ញាតដោយច្បាប់ជាធរមាន យើងព្យាយាមផ្ដល់ជូននូវសេវាកម្មល្អបំផុតតាមដែលយើងអាចធ្វើទៅបាន ហើយរាល់វីដេអូនិងមេរៀនទាំងអស់ដែលទាក់ទងនឹង សេវាកម្មនេះ ឬដំណើរការណាមួយផ្សេងទៀតដែលទាក់ទងនឹងយើង គឺត្រូវបានផ្ដល់ជូនដោយពុំគិតដល់ការខូចនិងដោយពុំមានការធានានោះទេ។ ក្នុងកម្រិតដែលអនុញ្ញាត មិនថាក្នុងករណីណាក៏ដោយ កម្មវិធី E-School Cambodia និងក្រុមហ៊ុន E-SCHOOL (CAMBODIA) CO.,LTD មិនមានទំនួលខុសត្រូវចំពោះអ្នកប្រើប្រាស់ លើការរងរបួសផ្ទាល់ខ្លួន ឬការខូចខាតជាពិសេស ដោយចៃដន្យ ឬដោយប្រយោលផ្សេងៗឡើយ។
ប្រសិនបើមានប្រការណាមួយនៃលក្ខខណ្ឌក្នុងការប្រើប្រាស់នេះ ត្រូវបានចាត់ទុកថាគ្មានសុពលភាព មិនស្របច្បាប់ ឬមិនអាចអនុវត្តបាន ប្រការទាំងឡាយដែលនៅសល់ ត្រូវតែនៅមានសុពលភាព ស្របច្បាប់ និងអនុវត្តបានដដែល។
ពេលខ្លះកម្មវិធីយើងអាចនឹងផ្ដល់ជូនបងប្អូននូវកម្មវិធីពិសេស ដែលមានលក្ខណៈជាការបញ្ចុះតម្លៃលើមេរៀនឬតម្លៃនៃសមាជិកភាព ដែលជាទូទៅនឹងមានភ្ជាប់មកជាមួយនូវលក្ខខណ្ឌមួយចំនួន។ បងប្អូនដែលជាអ្នកប្រើប្រាស់ទាំងអស់ នឹងទទួលបានព័ត៌មានអំពីការផ្ដល់ជូនទាំងនោះ។
E-School Cambodia អនុវត្តការការពារកម្មសិទ្ធិបញ្ញារបស់ម្ចាស់ដើម។ រាល់សេវាកម្មរបស់យើង ដែលរួមមានទិន្នន័យទាំងឡាយដែលយើងដាក់នៅក្នុងកម្មវិធី និងរាល់អ៊ីនធឺហ្វេស (interface) ដែលបានបង្កើតឡើង ដូចជាអត្ថបទ រូបភាព ក្រាហ្វិក ឡូហ្គោ រចនាបថ រូបថត សញ្ញាសម្គាល់ ប៊ូតុង សំឡេង វីដេអូ ទិន្នន័យឌីជីថល ចំណងក្រង ទិន្នន័យ និងសូហ្វែរ គឺជាទ្រព្យសម្បត្តិរបស់ E-School Cambodia ឬអ្នកផ្គត់ផ្គង់ទិន្នន័យរបស់យើង ហើយត្រូវបានការពារដោយច្បាប់ស្ដីពីកម្មសិទ្ធិបញ្ញា។
E-School Cambodia គឺជាពាណិជ្ជសញ្ញាដែលបានចុះបញ្ជី របស់ក្រុមហ៊ុន E-SCHOOL (CAMBODIA) CO., LTD។
ប្រសិនបើមានហេតុផលណាមួយដែលបងប្អូនជឿជាក់ថា សមិទ្ធផលឬកិច្ចការរបស់បងប្អូនត្រូវបានគេយកទៅផលិត ឬចែកចាយឡើងវិញតាមវិធីណាមួយដែលបំពានលើសិទ្ធីថតចម្លង ឬដឹងថាផលិតផលនៃការបំពាននោះ មាននៅលើកម្មវិធី E-School Cambodia សូមផ្ដល់ដំណឹងឲ្យយើងបានដឹងតាមរយៈ Facebook page: E-School Cambodia។
កម្មវិធី E-School Cambodia មិនមានសិទ្ធិគ្រប់គ្រាន់ក្នុងការប្រើប្រាស់នូវព័ត៌មាន និងអ្វីទាំងឡាយណាដែលបងប្អូនបានបញ្ជូនមកយើង ក្នុងទម្រង់ជាការបញ្ចេញមតិ ការរអ៊ូរទាំ ការសរសើរ និងរួមបញ្ចូលទាំងការឆ្លើយតបក្នុងកម្រងសំណួរ សម្រង់មតិ ឬការផ្សាយព័ត៌មានទៅលើគេហទំព័រ Facebook របស់យើង ក៏ដូចជានៅក្នុងកម្មវិធីទូរស័ព្ទដៃផ្ទាល់ក្ដី។ យើងមិនទទួលយកព័ត៌មាន ឬយោបល់ក្នុងទម្រង់អ្វីមួយ ដែលបញ្ជូនមកយើងដោយយើងមិនបានធ្វើការស្នើសុំនោះឡើយ ហើយក៏មិនទទួលខុសត្រូវចំពោះភាពស្រដៀងគ្នា ទៅហ្នឹងព័ត៌មានដែលបានបញ្ជូនមកយើងនោះដែរ។
លក្ខខណ្ឌនៃការប្រើប្រាស់ទាំងនេះ ស្ថិតក្រោម និងត្រូវបានបកស្រាយ យោងតាមច្បាប់នៃព្រះរាជាណាចក្រកម្ពុជា ដោយពុំគិតពីវិវាទនៃច្បាប់ ឬបទប្បញ្ញត្តានានានោះទេ។ បងប្អូនក៏អាចមានសិទ្ធិទទួលបានការការពារ ចំពោះអ្នកប្រើប្រាស់មួយចំនួនផងដែរ ក្រោមច្បាប់នៅក្នុងប្រទេស ឬយុត្តាធិការរបស់ប្រទេសដែលបងប្អូនកំពុងរស់នៅ។
យើងដែលជាក្រុមការងារនៃកម្មវិធី E-School Cambodia តាំងចិត្តបម្រើសេវាកម្ម និងដោះស្រាយរាល់បញ្ហាជូនអតិថិជន ដែលជាអ្នកប្រើប្រាស់កម្មវិធីទូរស័ព្ទដៃ របស់យើងឲ្យអស់លទ្ធភាព។ ប្រសិនបើបងប្អូនជួបនូវបញ្ហាអ្វីមួយ ហើយត្រូវការជំនួយពីយើង ពាក់ព័ន្ធជាមួយការចុះឈ្មោះ ការភ្ជាប់ចូលទៅគណនី សមាជិកភាព ឬសេវាកម្មផ្សេងៗ សូមផ្ញើសារអេឡិចត្រូនិកមកយើងតាមរយៈ Facebook page: E-School Cambodia។
តំណភ្ជាប់មួយចំនួន ប្រភេទជា hyperlink ដែលមានប្រើនៅក្នុងសេវាកម្មរបស់យើង អាចនឹងនាំបងប្អូនទៅកាន់គេហទំព័រ ឬអ៊ីនធឺហ្វេសផ្សេងដែលមិនត្រូវបានគ្រប់គ្រង ដោយយើងផ្ទាល់។ ប៉ុន្តែដរាបណាកម្មវិធី E-School Cambodia មិនទាន់បានធ្វើការត្រួតពិនិត្យ លើប្រភពនោះទេ យើងមិនទទួលខុសត្រូវ លើទិន្នន័យ ឬគោលការណ៍ឯកជនរបស់ប្រភពទាំងនោះឡើយ។
បើបទប្បញ្ញត្តិណាមួយនៃលក្ខខណ្ឌនេះ គ្មានសុពលភាព ឬមិនអាចអនុវត្តបានដោយមូលហេតុណាមួយ ឬក្នុងកម្រិតណាមួយ បទប្បញ្ញត្តិដែលនៅសេសសល់ផ្សេងទៀត នឹងនៅតែមានសុពលភាព ស្របច្បាប់ និងអាចអនុវត្តបានពេញលេញដដែល មិនថាក្នុងរូបភាពណាក៏ដោយ។
សម្រាប់សំណួរទាក់ទងនឹងលក្ខខណ្ឌនៃការប្រើប្រាស់នេះ សូមទាក់ទងមកយើង តាមរយៈលេខទូរស័ព្ទរបស់ក្រុមការងារ ០៩០ ៧៨៧ ៩៩៩ ឬផ្ញើជាលិខិតមកការិយាល័យរបស់យើងផ្ទាល់ ដែលស្ថិតនៅលើ ផ្លូវ២១៥ ជាប់ស្តុបអាងទឹកអូឡាំពិក សង្កាត់វាលវង់ ខណ្ឌ៧មករា រាជធានីភ្នំពេញ។